以往 1.0，我花唔少時間講我由零開始嘅Hea富生意觀念同啟蒙；但我唔知你GET到幾多。好多人跟咗5年以上先領悟到。 2.0，我想做得更加深入、更多互動同落地，同你哋一齊行過呢條每人不同嘅HEA富之路（因行業不同，做法不同）。

大家唔好誤會，世上冇一套神仙「一步步落地 SOP」可以包所有人包賺，因為每個人起步點根本唔同，

尤其身處喺而家中港融合、AI 隨時取代人手嘅時代，就算你讀幾多書、手上有幾多張文憑，如果你套技能唔識得同真實世界接軌，到頭來其實都只係空話。又或者你就算做咗十幾廿年、累積咗好多工作經驗，但如果你根本睇唔清自己真正嘅優勢同劣勢喺邊度，你一樣唔會知下一步應該點樣為未來打算。

我喺呢個班入面，純粹係做一個「指路人」嘅角色：

* 如果你本身已經有生意行緊：我會幫你全面診斷你現存嘅優勢同盲點，指引你應該向邊個方向轉型、點樣借用現代工具為自己減負，等盤生意唔好再綁死你嘅時間。

* 如果你連生意 Idea 都未有：我唔會夾硬叫你衝出去創業。我會教你點樣用一套嚴格嘅篩選標準，去諗一個真正「值得做」嘅生意 Idea。你要符合晒呢啲關鍵元素，先好去開局。

甚至乎，有啲人聽完之後發覺：「原來一門好生意需要具備咁多苛刻條件，我而家仲未係時候。」——咁樣都已經救咗你一命。

呢個商業框架放咗喺你心入面，五年後、十年後，當你儲齊所有條件同元素先出擊，絕對好過你喺乜都唔知嘅情況下盲衝出去，燒晒啲積蓄、浪費晒啲時間。喺人生旅途上，揀錯一條路跌入無底深淵，往往係返唔到轉頭。

講明先，你亦都要原諒我嘅任性。

我好多時間喺日本，生活好舒服，亦都唔需要靠賣課程維生。呢個班之後幾時再開？我唔知，同出片一樣，依然係極度不定期，完全睇我心情同時間。

講到尾，我鍾意得閒先開一次。你鍾意就報名入嚟聽下，唔啱嘅其實亦都完全冇問題。如果你覺得係時候搵個指路人睇清條路，第一批名額就喺度。